Sunday, October 6, 2019

Muskurahat zindagi hai ek Haqiqat


Aaj kal ki taiz raftaar zindagi aur nnat nai pareshaniyon ne hum se hamari muskurahat chean li hai, mahireen ka kehna hai ke hansnay, muskurany aur khush rehne ka talluq hamari achi sehat se hai aur yeh hamari jismani o zehni sehat par misbet asraat muratab karte hain.


Aaj yani mah october ke pehlay jummey ko jab duniya bhar mein muskurahat ka aalmi din manaya ja raha hai to aik dosray ke sath muskrahaton ka tabadlah karna to zurori hai hi, lekin is muskurahat ke fawaid janna bhi zurori hain taakay aap nah chahtay hue bhi muskura utheen .



Mahireen ka kehna hai ke hansna muskurana hamari sahet ke liye itna hi zurori hai jitna werzish karna, ya sahet mand ghiza khana, ya ghoomna phirna

aik se dosray shakhs ko lagti hai. agar aap akailey bhi muskarayeen ge tab bhi aap ke qareeb mojood shakhs aap ko dekh kar yaqeenan muskuraye ga .

muskurahat aap ke zehni tanao aur be cheeni ko kam karti hai .

muskurahat aap ke chehray ki kashish mein izafah kere gi .

muskurahat aap ki qowat mudafat mein izafah karti hai .

muskurahat aap ke maghrour ya khushk honay ke ta-assur ko khatam karti hai aur log aap se baat karne mein aasani mehsoos karte hain .




Muskurany walay afraad ko log ziyada qabil aitbaar samajte hain aur la shaori tor par un se qurbat mehsoos karte hain .

aik tahaqeeq ke mutabiq agar aap jhooti muskurahat bhi –apne chehray par sajayein aur jhooti hansi hnsin to aap ka dimagh is dhokay mein aajay ga ke aap khush hain .

is ke baad woh qudrati tor par aap ke zehni tanao aur fikar ko kam kar ke aisay harmonz peda kere ga jo aap ko khush rakhnay mein madadgaar saabit hotay hain .

muskuratay hue aap ke chehray ke tamam azlaat harkat mein aajate hain. aap ny dekha hoga ke baaz afraad ka chehra bilkul sapat hota hai aur is par koi ta-assur nahi aata. is ki wajah yeh hai ke un ke chehray ke azlaat harkat nah karne ke baais akarr jatay hain .

is se chukara haasil karne ka aaasaaan tareeqa yeh hai ke muskurany ki aadat dalain taakay aap ke azlaat harkat mein rahen aur aap ka chehra be jaan ya be ta-assur nah dikhayi day .

0 Comments: